Wadlopen in Paiterboeren

Wadlopen in Paiterboeren

Tjoam mien kameroad was overspannen, zenen op moag, haar t goud te pakken. Ik zeg we mouten der even tussen oet Tjoam de natuur in. Tjoam knikte wol dìn groag n keer wadlopen. Ik zeg “gain muite, gonnen we doun achter diek sliekjetreden.”

Nee...Tjoam wol noar Paiterboeren t mos wat lieken en kosten vanzulm. Hai wol even dat gevuil hebben der bie te heuren, tussen de natuurmalloten in.

Nou doar stonnen we din in Paiterboeren t wemelde van de poepen. Dij wadkerel klamde mie aan of ik wat Duuts kon proaten denn in Paiterboeren proaten ze gain Duuts, Hogelandsters hebben zo heur ding. Ik mos din dij poepen t wadlopen oetstokken.

Ik zeg: “Wissen sie wat Wad is”. k Heb ze nog nooit zo dom kieken zain n domme Hollander was der niks bie. Ik zeg wacht mor even k zal t aans doun.
Ik wees mit mien vinger noar diek. Ik zeg: “Sehen sie dort daB Deich..noamvallen blift altied stoer.” Ik zeg “hinter dem Deich ist der See kennen Sie bestimt von Jungen kommt bald wieder Jung ist nog aal vòt, oaf en tou ist der See ook vòt en din blift Sliek, dort kunnen Sie op Wandeln en dat hait Wadwandeln. Noa n flink stuk oadem ging ik verder...”oaf en tou kommt der See zurùck en dan mouten Sie mokken das Sie vortkommen aans Bezoufen Sie sich.” Aal kloar we mozzen nog n uur wachten op leeg Tij.

Ik zeg “kom Tjoam we gonnen Paiterboeren in.” waren we ook zo weer oet in t midden was t centrum en aal zeehonden. “Moust kieken” zegt Tjoam “Der ligt ook aine tussen mit aarms en bainen.”Ik zeg: “ Jaikes nog aan tou das Lenie, kist hoast gain onderschaid zain.”

Lenie was aan t hoelen en jammern roezie op de krès. Ik bölkte: “Leentje der liggen ook n poar zeehonden op rug.” “wait k wel” ropt ze “dij heb k achterover drukt.”

Ik zeg kom mit wadlopen bist er even oet. Leentje ropt “groag, mag Klazien ook mit.” Ik zeg tegen Tjoam “dij is toch al laank oet tied “ “is al terugge” zegt Tjoam “deur aal dij kruden vanzulm.”

De zee was wied weg en we kon t begunnen te lopen. Ik zeg tegen dij poepen “we kunt anfangen è” doar haren ze wel oren tou en doar scheet t hìn...

Dij wadkerel haar ain oog, k haar t al wel zain. Ik zeg “Jaikes nog aan tou hou is t kommen jong.” Hai zegt “dat doun zeekoapen dij pikken joe ogen der oet.” Ik zeg “dij donder dat wordt oetkieken.” “Nee” zegde “nait baangschietern as ik roup bukken vogels din gebeurd ter niks.” Ik zeg tegen dij poepen “Onze Wadfuhrer hat eine Auge das komt von Vögeln, aber kein Paniek wenn der furher ruft Boeken Vögeln din passiert niks. Opains ropt de wadfürher ”Boeken vögeln.” Tjoam apmoal overstuur...”Hest dat zain” zegde “dij Poepen kroepen apmoal op mekoar en begunnen te schudden, n oardbeven messchain?

Tjoam begon te kwielen: “Klazien het zuch ook bukt” en hai stutterde verder “ ze hèt gain onderbox aan.” Ik zeg: “ Luit ze t krudentoentje zain.” Tjoam zegt:
“ as ze zuch weer bukt din snap ik heur.” De echte Grunneger kwam even om houk kieken. Opains ropt dij wadkerel...” Boeken vögeln.” 

Tjoam nemt mie n roam...zegt Lenie tegen Klazien “merk oe dat niet.” Joawel zegt Klazien mor k heb laiver datter aine wipt as mie der n oog oetpikt...

Grouten

Tammo